Kasafin 2024 zai kai watan Yunin 2025 – Akpabio
Tinubu ya gabatar da kasafin kuɗin shekarar 2025 a gaban majalisar dokokin.
Shugaban Majalisar Dattawa, Sanata Godswill Akpabio, ya bayyana cewa wa’adin kasafin kuɗin shekarar 2024 kai har zuwa ranar 25 ga watan Yuni, 2025.
Ya bayyana haka ne a ranar Laraba, yayin da Shugaban Ƙasa Bola Ahmed Tinubu, ya gabatar da kasafin kuɗin shekarar 2025 a zauren Majalisar Dokokin Ƙasa.
- Tinubu ya isa majalisa don gabatar da kasafin kuɗin shekarar 2025
- Kisan Gombe: Majalisa ta umarci jami’an tsaro su ɗauki mataki
Akpabio, ya bayyana cewa kasafin 2024 ya samu nasarar kashi 50 na ayyukan manyan gine-gine da kuma kashi 48 na kuɗin tafiyar da gwamnati.
Shugaba Tinubu, ya gabatar da kasafin kuɗi na Naira tiriliyan 47.9 na shekarar 2025 domin tantancewa da yin nazari.