Abba ya nada Sheikh Daurawa shugabancin hukumar Hisbah ta Kano
A baya dama ya taba rike hukumar har sau biyu
Gwamnan Jihar Kano, Abba Kabir Yusuf, ya nada malamin addinin Musuluncin nan, Sheikh Aminu Ibrahim Daurawa shugabancin Hukumar Hisbah ta Jihar.
A baya dai, Sheikh Daurawa ya taba jagorantar hukumar har sau biyu, a zamanin mulkin tsohon Gwamnan Jihar, Rabi’u Musa Kwankwaso da kuma farkon mulkin tsohon Gwamna Abdullahi Umar Ganduje.
- Neman lafiya: Akeredolu zai ci gaba da zama a kasar waje har sai ya murmure
- Kwamandojin ’yan ta’adda 2 sun mika wuya ga sojoji a Borno
Sai dai a shekara ta 2018, Daurawa ya sanar da ajiye mukamin lokacin da aka samu sabani tsakanin Kwankwaso da Ganduje.
Amma a ranar Litinin, malamin ya wallafa wani bidiyo da ya nuna shi yana karbar takardar sake nada shi shugabancin hukumar a karo na uku, daga Sakataren Gwamnatin Jihar, Dokta Baffa Abdullahi Bichi.
Ana ganin malamin ya taka muhimmiyar rawa wajen samun nasarar gwamnatin Jihar mai ci ta jam’iyyar NNPP.