Abincin N4bn muke ciyar da dalibai —Gwamnatin Kaduna

Gwamnatin Kaduna ta yi ikirarin kashe Naira biliyan hudu wajen ciyar da daliban makarantun kwana a duk shekara.

Gwamnatin Kaduna ta yi ikirarin ciyar da daliban makarantun kwana abincin Naira biliyan hudu a duk shekara.

Mai ba wa gwamnan jihar shawara ta musamman kan shirin ciyar da dalibai, Dokta Fauziya Buhari Ado, ce ta sanar da hakan a ranar Lahadi.

Dokta Fauziya ta ce dalibai 25,000 da ke makarantun kwanan gwamnati 51 da ke fadin jihar ne suke cin gajiyar abincin gwamnatin.

A cewarta, shirin ciyarwan ya kara yawan shigan dalibai makarantu tare da amfanar da manoma da ake sayen kayan abincin daga hannunsu.

• Kotu ta daure jami’an EFCC na bogi shekaru 30
• ’Yan kasar Jamus sun raba shanun layya 700 a Kano

“Shirin ya kuma habaka tattalin arzikin masu sana’ar abinci da masu sayar da kayan masarufi da sauransu,” a cewar Fauziya.

Ta ci gaba da cewa gwamntin jihar za ta ci gaba da tabbatar da bin ka’idojin da ta gindaya wa shirin a bangaren ingancin abinci da yawansa da kuma raba wa a kan lokaci.