Aisha Buhari ta dawo Najeriya bayan wata shida a Dubai

Tun bayan tafiyar Aisha aka yi ta ce-ce-ku-ce kan dalilin tafiyar.

Matar Shugaban Kasa, Aisha Buhari ta dawo Najeriya bayan shafe wata shida a Hadaddiyar Daular Larabawa (UAE).

Aisha Buhari ta shiga Najeria ne a ranar Laraba, bayan ta bar Najeriya ne kwanaki kadan da bikin daurin auren ’yarta Hanan.

• Kotu ta bayar da belin Mahdi Shehu
• Ba sace ni aka yi ba, guduwa na yi –Amaryar Kano
• ’Yan bindiga: Sheikh Gumi yana mana katsalandan – Masari
• Mutum 6 sun mutu, 54 sun jikkata a hadarin mota a Bauchi

Tafiyar da ta yi ta haifar da ce-ce-ku-ce inda wasu ke zargin rashin tsaro a Fadar Shugaban Kasa ce ta sa ta barin kasar.

Sai dai daga baya hadiman Uwar Gidan Shugaban Kasar sun musanta zargin a matsayin shaci-fadi.

Ko kafin daurin Hanan, Aisha Buhari ta jima Dubai inda aka duba lafiyarta, kafin dawowarsu tare da amaryar gab da bikin.