Albarkatun kasa: Kowa ya rike nasa ko a hada a raba a tarayya?

Ana ta cece-kuce dangane da albarkatun kasa. Filin muhawara ya bukaci jin ra’ayoyi kan shin kowane yanki na kasar nan ya rike albarkatunsa ko kuwa a hada, tunda dukiyar kasa ce, sai a raba ta a tarayya?  Ga dai yadda aka sami ra’ayoyin wasu jama’a, a yau, kamar haka: Lokaci bai yi ba da kowane […]

Ana ta cece-kuce dangane da albarkatun kasa. Filin muhawara ya bukaci jin ra’ayoyi kan shin kowane yanki na kasar nan ya rike albarkatunsa ko kuwa a hada, tunda dukiyar kasa ce, sai a raba ta a tarayya?  Ga dai yadda aka sami ra’ayoyin wasu jama’a, a yau, kamar haka:

Lokaci bai yi ba da kowane bangare zai rike albarkatunsa -Malam Aliyu
Aliyu Mai Maganin kwari, Sabon Gari: Lokacin bai yi ba da za a ce kowace jaha ta rike albarkatunta, sai har in an gama gano dukkan yankunan da albarkatun karkashin kasa na kowane yanki, musamman na arewacin Najeriya kuma a tabbatar da sun fara aiki kafin mu goyi bayan cewa kowace jaha ta rike nata rabon. Amma dai a halin yanzu ina goyon bayan a albarkatun kasa su cigaba da kasancewa a karkashin ikon gwamnatin tarayya.