An daura auren Rukayya Dawayya da Afakallahu
A watannin baya ne Aminiya ta ruwaito cewa akwai soyayya mai karfi a tsakaninsu.
Ango da Amarya
A yau Juma’a ne aka daura auren Shugaban Hukumar Tace Fina-finai na Jihar Kano, Isma’ila Na’Abba Afakallahu, da jarumar Kannywood Rukayya Umar Dawayya.
Idan ba a manta ba, a watannin baya ne Aminiya ta ruwaito cewa akwai soyayya mai karfi a tsakaninsu.
- A Karon Farkon ’Yar Kasar Nijar Ta Lashe Gasar Hikayata
- Tifar yashi ta muttsuke mata 6 har lahira a Maiduguri
Tun kafin a soyayyar ta fito fili, jarumar ta rika sanya hotunan Afakallahu a shafinta na Instagram ba tare da nuna soyayyar ba, har zuwa lokacin da Aminiya ta fitar da labarin a shirinta na Bidiyo mai taken Wata Sabuwa.
An daura daura auren ne da karfe 2:00 na rana a Masallacin Juma’a na Tishama, da ke Kano.
A kwanakin baya ne Aminiya ta kalato daga bakin angon cewa a auren nasu ba rakashewa kamar yadda al’adar auren ’yan Kannywood ta ke.