An fitar da Ronaldo daga Gasar Kofin Saudiyya

Ronaldo ya yi ta kai farmaki tare da baras da damarmaki da dama na cin kwallo.

Cristiano Ronaldo ya fusata bayan da Al-Wehda ta yi waje da kungiyarsa ta Al-Nassr daga Gasar Cin Kofin Saudiyya.

Wannan na zuwa ne bayan da suka doke abokan karawarsu da ci 4-0 watanni biyu da suka gabata a gasar lig na Saudiya.

• Tottenham ta kori kocinta Cristian Stellini
• Shugaban Amurka Biden na neman tazarce

A wancan wasan da wanda Al-Nassr ta yi bushasha, Ronaldo ya ci dukkan kwallaye hudu, lamarin da ya sa aka yi tsammanin kungiyar masu masaukin bakin ta Al-Wehda ba za su kai ga wasan karshe don karawa mai zafi da Al-Hilal ba, sai ga shi an yi waje da su.

Dama kwallo daya kacal Wehda ke nema don hayewa zuwa wasan karshe, wajen fitar da Al-Nassr ta Ronaldo daga gasar a matakin wasan kusa da na karshe.

Ronaldo ya yi ta kai farmaki tare da baras da damarmaki da dama na cin kwallo, a fafatawar da suka karkare da ’yan wasa goma saboda jan kati da Abdullah Al-Hafith ya samu.