An ga watan Sallah a Saudiyya

Gobe take Sallah a Saudiyya.

Gwamnatin Saudiyya ta ce a gobe Juma’a za a gudanar da Idin Sallah karama sakamakon ganin jaririn watan Shawwal da aka yi a wannan Alhamis din.

Wannan na kunshe ne cikin wata sanarwa da shafin masallacin Harami na Makka da Madinah ya wallafa a shafinsa na Twitter.

• China ta musanta zargin taimaka wa ayyukan ta’addanci a Najeriya
• Farashin tumatir ya fado a Kano bayan ya yi tashin gwauron zabi

Shafin na Haramain Info ya ce an ga jaririn watan Shawwal yammacin wannan Alhamis din bayan duban tsanaki.

Ana dai fara duban watan Shawwal ne a yayin da watan Azumin Ramadana ke cika 29 galibi, a wasu lokutan kuma idan ya kai kwana 30.

Wannan na zuwa ne kwana biyu bayan da aka samu rabuwar kai a tsakanin masana ilimin taurari dangane da ganin jinjirin sabon watan.