An gurfanar da basarake a kotu kan dabanci a fada

Wani basarake ya gurfana a gaban kotu kan keta haddin Oloba na Kasar Eju, Alhaji Maroof Afolayan Adebayo, da ke Karamar Hukumar Irepodun ta Jihar Kwara. Basaraken Samora, Oba Matthew Idowu Ajiboye, ya gurfana a kotu ne ranar Laraba bayan shi da wasu ’yan daba sun yi wa Alhjai Maroof da iyalansa kutse tare da […]

Wani basarake ya gurfana a gaban kotu kan keta haddin Oloba na Kasar Eju, Alhaji Maroof Afolayan Adebayo, da ke Karamar Hukumar Irepodun ta Jihar Kwara.

Basaraken Samora, Oba Matthew Idowu Ajiboye, ya gurfana a kotu ne ranar Laraba bayan shi da wasu ’yan daba sun yi wa Alhjai Maroof da iyalansa kutse tare da jikkata su.

• Bindigar danbindigar Sarkin Kano ta aika shi lahira
• Irin Alherin da Muke Samu A Sana’ar Bola

Rahoton ’yan ya ce Oba Matthew da wasu mutum biyar dauke da muggan makamai sun yi wa Oloba da iyalansa munanan raunuka tare da kwashe musu kudade — har da na kasashen waje — a harin da suka kai musu.

Dan sanda mai gabatar da kara, Seun, ya shaida wa kotun cewa suna ci gaba da binciken lamarin, don haka ya bukaci a dage sauraron karar.

Alkalin kotu, Magistare Badmus, wanda ya saurari karar ya ba da belin wanda ake zargin a kan Naira dubu 500 da kuma mutum biyu da za su tsaya musu.

Daga nan ya dage sauraron shari’ar zuwa ranar 24 ga watan Satumba.