An haifa wa Osinbajo jika na farko

Mataimakin Shugaban Kasa, Farfesa Yemi Osinbajo, ya shiga sahun kakanni bayan da diyarsa Oludamilola ta haifi da namiji. Oludamilola ta haifi jikan farko a duniya ga Mataimakin Shugaban Kasar ne ranar Litinin. Buhari ya sallami mukarraban Osinbajo 35 Osinbajo zai tafi kasar Ghana Mataimakin Shugaban Kasar da kansa ya wallafa bayanin hakan a shafinsa na […]

Mataimakin Shugaban Kasa, Farfesa Yemi Osinbajo, ya shiga sahun kakanni bayan da diyarsa Oludamilola ta haifi da namiji.

Oludamilola ta haifi jikan farko a duniya ga Mataimakin Shugaban Kasar ne ranar Litinin.

• Buhari ya sallami mukarraban Osinbajo 35
• Osinbajo zai tafi kasar Ghana

Mataimakin Shugaban Kasar da kansa ya wallafa bayanin hakan a shafinsa na Twitter da misalin karfe 4.16 na yammacin Litinin.

“Daukaka ta tabbata ga Ubangiji! A yanzu na zama kaka!

“Diyata, Oludamilola da mijinta Oluseun sun zama iyaye kasancewar sun samu karuwar da namiji da safiyar yau,” inji Osinbajo.

Ita ma maidakin Mataimakin Shugaban Kasar ta wallafa labarin a shafinta na Instagram, tana godiya ga Allah da “wannan kyauta mai daraja ta da namiji da yayanmu Seun da Damilola Bakare suka haifa yau Litinin”.

A watan Maris na shekarar 2018 ne dai aka daura auren Seun da Damilola a Fadar Shugaban Kasa da ke Abuja.