An kama barauniyar jariri dan wata daya

Wata mata mai shekara 21 ta faɗa komar ’yan sanda sakamakon zargin ta da sace wani jinjiri dan wata guda da haihuwa.  Kakakin rundunar ’yan sandan Jihar Legas, SP Benjamin Hundeyin ne ya tabbatar da kama matar a ranar Laraba. Ya ce mahaifiyar jaririn ce ta kai rahoto a ofishin ’yan sanda da ke  yankin […]

Wata mata mai shekara 21 ta faɗa komar ’yan sanda sakamakon zargin ta da sace wani jinjiri dan wata guda da haihuwa. 

Kakakin rundunar ’yan sandan Jihar Legas, SP Benjamin Hundeyin ne ya tabbatar da kama matar a ranar Laraba.

Ya ce mahaifiyar jaririn ce ta kai rahoto a ofishin ’yan sanda da ke  yankin Elere a ranar Litinin.

• An kai saurayi kurkuku kan cizon mace a lebe
• Majalisa za ta binciki korar ma’aikata 600 a CBN

Kamfanin Dillancin Labaran Najeriya (NAN) ya ruwaito cewa mai jegon ta ce an sace dan nata ne da misalin karfe 7 na safiyar Asabar yayin da take barci.

Hundeyin ya ce wacce ake zargin ta je coci domin shaida wa jama’arta cewa ta haihu.

Ya ce an gano wadda ake zargin ne a unguwar Agbotikuyo da ke Agege an kuma yi nasarar kwato jaririn daga hannunta.