Ya caka wa ’yar shekara 8 almakashi a gabanta

An kama shi kan sanya ƙarafuna a al’aurar wata yarinya ’yar shekara takwas a Jihar Jigawa.

An kama wani mutum kan laifin sanya almakashi da cokali a cikin al’aurar wata yarinya ’yar shekara takwas a Jihar Jigawa.

Mutumin mai shekaru 32 ya yi wa yarinyar mummunan rauni a gabanta har sai da ta sume, a sakamakon wannan aika-aika da ya yi mata.

Kakakin ’yan sanda na jihar, DSP Lawan Shi’isu Adam, ya ce jami’an tsaro sun kama mutumin ne bayan da ya yaudari yarinyar zuwa banɗaki a wani kamfanin sarrafa ruwan leda a garin Dutse, inda ya yi mata wannan ɗanyen aiki.

Jami’in ya bayyana cewa mutumin ya sha cin zarafin yarinyar, kuma yana yi mata barazanar kashe ta da iyayenta, idan har ta kuskura ta sanar da wani.

• Matsin rayuwa: Makaho mai shekara 65 ya sa a jefa shi a teku
• Sojojin 196 sun ajiye aiki a Najeriya
• NAJERIYA A YAU: ‘Karin Farashin Mai Ya Fara Tilasta ‘Yan Najeriya Ajiye Aiki’

DSP Lawal ya ce a halin yanzu mutumin yana tsare a hannun Sashen Binciken Manyan Laifuka  an ’Yan Sanda (SCID) da ke jihar.