An kashe ɗalibai 2 an caka wa wani wuƙa a Filato
An kashe dalibai biyu tare da soka wa na ukunsu wuka a yankin Barikin Ladi da ke Jihar Filato
An kashe dalibai biyu tare da soka wa na ukunsu wuka a yankin Barikin Ladi da ke Jihar Filato.
An halaka ɗaliban masu shekaru 21 da kuma 25 ne a wani hari tare da buɗe musu wuta a yankin Kurra Falls, da ke Gundumar Gashish ƙaramar hukumar.
Mamatan sun hada da wani ɗan sakandare da wani da ke karatu a Cibiyar Nazarin Dabbobi tabƘada (NVRI) Vom.
Bayanai sun nuna cewa wasu ’yan bindiga a kan babur je suka bude wa ɗaliban wuta suka yi awon gaba da wayoyinsu.
A wani hari na daban kuma, an jikkata wani matsahi ta hanyar doka masa wuƙa a yankin Kawo a ranar Alhamis.
Aminiya ta gano cewa a halin yanzu matsahin yana kwance a asibiti.
Har zuwa lokacin da muka kammala wannan rahoto kakakin ’yan sand a Jihar Filato bai amsa tambayar wakilinmu game da hare-haren ba.