An kayyade farashin takin zamani kan N5,000

Gwamnati ta rage rabin farashin takin Urea, na NPK kuma ya koma N5,000 a Binuwai.

Gwamnati ta kayyade farashin buhun takin zamani a kan Naira 6,000 a daminar bana a Jihar Binuwai.

Da yake kaddamar da sayar da takin zamanin a garin Makurdi, Gwamnan Jihar, Samuel Ortom, ya ce gwamnatinsa ta rage rabin farashin takin Urea domin saukaka wa manoma.

• Babu sassauci ga masu taimakon Nnamdi Kanu
• Kasashen da Nnamdi Kanu ya je kafin a kama shi

Ya ce yanzu farashin takin Urea zai koma N6,000 daga N12,000, shi kuma NPK daga N9,000 ya koma N5,000.

A cewarsa, gwamnatin ta tattauna da dillalai da za su samar da takin zamani cikin tirela 141 wanda nauyinsa ya kai metric ton 4,380 a bana.

Ya ce a yunkurinta na bunkasa harkar noma, gwamnatin ta raba wa manoma taraktoci 50 a kan farashi mai rahusa.

Ortom ya yaba wa Gwamnatin Tarayya kan taimakon da ta yi wa manoman jihar da ambaliya ta yi wa barna a shekarun 2017 da 2018 ta hanyar ba su takin zamani ta hannun Hukumar ba da Agaji Kasa ta (NEMA).