An kyale Dokubo an kama el-Rufa’i

Salam, Edita ka tambayar mini ’yan sandan Najeriya da jami’an tsaron farin kaya na SSS, shin wane dan Najeriya ne ya fi wani? Na ji kun tsare Malam Nasir el-Rufa’i, wai don ya yi wasu kalamai, amma kun manta da katon tsageran nan Mujaheed Asari Dokubo, wanda ya yi tabargaza a birnin Abuja, ind aya […]

Salam, Edita ka tambayar mini ’yan sandan Najeriya da jami’an tsaron farin kaya na SSS, shin wane dan Najeriya ne ya fi wani? Na ji kun tsare Malam Nasir el-Rufa’i, wai don ya yi wasu kalamai, amma kun manta da katon tsageran nan Mujaheed Asari Dokubo, wanda ya yi tabargaza a birnin Abuja, ind aya ce “Idan Jonathan bai ci zabe ba, to ba Najeriya baki daya.” Kun kyale shi yana wandakarsa a doron kasa. Ramin karya kurarre ne. Ya kamata mutane su gane akwai bambanci da son rai wajen hukunta duk wanda ake zargi da wani laifi, matukar ba ya tare da gwamnati mai ci. Lallai mu yaki zalunci. Allah kuma ya yi mana tsari da azzalumai. Daga Hussaini M. Zamfara FCT, Abuja 08060997984

Sakonnin waya

Cigiyar Ali kwara
Edita ka yi min izini albarkacin Annabi Muhammad (SAW) in yi cigiyar mai farautar ’yan fashi nan wato Alhaji Ali kwara. Na ji an ce Gwamnatin Najeriya ta bata masa rai, ya bar Najeriya, ya koma kasashen Turai. Edita mene ne gaskiyar wannan al’amari. Daga Maryam Aliyu Garko a Kano 08171748500.

Ga Aminiya
Assalamu alaikum. Ina yi wa Aminiya fatan alheri. A karshe ina son don Allah Aminiya ta isar min da sakon gaisuwa ga Malam Bahaushe, Sa’ido dandagoro. Daga A’isha Isa Muhammad (AMAL) 07012077455.

A kara shafin sakonni
Masu korafi ku yi hakuri. Edita ba ya zabe, kar ku manta masu turo sako da yawa, kuma ba a wuce 20 ake bugawa. Maimakon korafi, mu yi roko a kara shafin sakonni. Daga Fatima Usman Bauchi 07066271217.

Ga Sarkin Fulanin Katsina
Ina taya Barista Ibrahim shehu Shema (Sarkin Yakin Hausa), Gwamnan Jihar Katsina, murnar nada shi Sarkin Fulanin Katsina. Allah Yasa alheri. Daga S.P.L. 08172508910.

Ina son Aminiya
Kuna ba mu sha’awa wajen kawo labaran gaskiya ba tsoro, ga kuma tunatarwa a kan addini ga tarihi da hotunan mazan jiya. Allah Ya kara muku fasaha 08023213191.

Haba Aminiya!
Na kan yi tes kowane sati, amma yau sati uku ke nan ban ga ko da daya ba. Me yasa hakan ke faruwa ne don Allah? Daga Mu’azu Safeeyanu danja 08054639924.

Ta’aziyya ga Sheikh Sudais
Edita albarkacin ranar Juma’a, ka ba ni dan gurbi in mika ta’aziyyata ga kasar Saudiyya, bisa rasuwar mahaifin Sheikh Al-Sudais, wato Sheikh Abdul’Aziz As-Sudais. Allah Yasa aljanna Firdausi ce makomarsa. Daga Ali Fancy Garko a Kano.

Ta’aziyya ga Sarkin Suleja
Salam Edita, ina so na mika ta’aziyyata ga Mai martaba Sarkin Zazzan Suleja, Malam Awwal Ibrahim (CON) ga ’yan uwa da abokan arziki da mutanen garin Suleja, bisa rasuwar kanensa. Allah Ya jikansa. Allah Ya sa mu cika da imani. Amin. Daga Iliyasn Fahad Suleja 08153330827.

Ga Sanusi Lamido
Salam Edita ka isar min da sakona ga Gwamnan Kudi Sanusi Lamido Sanusi, a gaskiya al’ummar kasar nan muna cikin matsalar rashin canjin kananan kudi, inda za ga m,utum ya zo sayayya rashin canji ya hana shi. Wannan hali yana wahalar da mu. Daga Malam Malam Mai zanen hula Gololo 08032822433.

Martani ga maza
Edita ka taya ni bai wa maza hakuri, game da laifin gaskiyar da na fadi, wato kyautar ’yan wuta,’ na ji bayaninku da sakonninku, a kan cewa me ya sa ban fadi laifin mata ba? Kun yi gaggawa. Na kuma yi bayanin dalilin da ya sa maza ke yaudararmu. Annabi Muhammad (SAW), ya ce duk wanda ya yi kyauta ya kwace, kamar kare ne ya yi kyauta ya lashe, ‘Hakkul Mubin’ hadisi na 12 Bukhari da Muslim. Daga Sayyada Fatima 08133751209.

Ga maza da mata
Salam Aminiyata, abokiyar hirata, don Allah Maza ku rage yaudara da karya, ku kuma mata ku rage son abin duniya. Daga Ummul Khaeery Kaduna 08169733818.

Ga Aminiya
Salam. Aminiya na kasance mai karanta wannan jarida duk mako, wanda a halin yanzu zajn iya tsayawa takarar wanda ya fi sayen jaridar, amma na sha turo sako ba a bugawa. Ni ma ina goyon bayan kafa kungiyar makarantan Aminiya. DagaGarba Madaki Doka-Dawa 08036252681.

Ga Editan Aminiya
Assalamu alaikum. Aminiya ina mika gaisuwa ga  Editan Aminiya, wanda ya hada aurena da wadda ban taba gani ba, sakamakon karatun Aminiya za a daura mana aure aranar 01/02/14. Ina barar addu’a daga makarantan Aminiya. Allah Ya ba mu zaman lafiya. Daga Halilu Gambo Usman Dutsin-Ma 07054952613.

Faduwar Shekarau
Shekarau ka yi faduwar bakar tasa. Domin sun baka gurguwar shawara, da ka yarda ka koma PDP. Daga 08055530367.

Ga Shekarau
Shekarau da Jonathan, danjuma ne da danjummai. Mun gode wa Allah da yasa m,agoya bayansa suka fara darewa, saboda yanzu sun gane inda ya sa gaba. A yi dai mu gani. Daga Muhammad Gaga 08036968509.

Ga shugabannin APC
Shugabannin APC ku sani tsintacciyar mage ba ta mage. Ya kamata ku rike ’ya’yanku na asali fiye agola. Daga abubakar Umar Kofa 08065746051.

Ga Ali kwara
Salam Aminiya ina yi wa Alhaji Ali kwara murnar samun Dokta da wata Jami’a ta ba shi a Legas. Ya kamata a ce a nan Arewa aka ba shi, saboda akasarin aikinsa ya fi yawa a nan Arewa. Ina fatan za a yi koyi da mutanen Yamma. Allah Ya taimaki Dokta Ali kwara. Amin, summa amin. Daga Adamu Suleiman Kaugama 08057672400.

Addu’ar APC
Edita, mu ’yan jam’iyyar PDP, mun riga mun yi addu’a Allah Ya cire mana munafukai. Allah Ya karbi addu’armu, ya cire mana Baffarawa. Daga Sani Abdu Beta 08178112034.