An nada dan NYSC sabon Hakimin Yantumaki
Sarkin Katsina Alhaji Abdulmumin Kabir Usman ya nada dan yi wa kasa hidima (NYSC) a matsayin Sabon Hakimin Yantumaki. Ayyana sabon Hakin Yantumakin na zuwa ne bayan rasuwar Marigayi Alhaji Atiku Abubakar Maidabino. Sabon Hakimin mai suna Atiku Abubakar Atiku, shi ne babban dan marigayin wanda ‘yan bindiga suka kashe a makon jiya. Sakataren Masarautar […]
Mai martaba Sarkin Katsina da ayarinsa
Sarkin Katsina Alhaji Abdulmumin Kabir Usman ya nada dan yi wa kasa hidima (NYSC) a matsayin Sabon Hakimin Yantumaki.
Ayyana sabon Hakin Yantumakin na zuwa ne bayan rasuwar Marigayi Alhaji Atiku Abubakar Maidabino.
Sabon Hakimin mai suna Atiku Abubakar Atiku, shi ne babban dan marigayin wanda ‘yan bindiga suka kashe a makon jiya.
Sakataren Masarautar Katsina kuma Sallaman Katsina Bello Ifo ya sanar da haka, sannan ya kara da cewa sabon Hakimin ‘yan tukamin na ci gaba da aikin yi wa bauta kasa (NYSC) a halin yanzu.
- Rashin Tsaro: Matasa sun yi bore a Katsina
- ‘Yan bindiga sun kashe Hakimin ‘Yantumaki
- Yadda aka yi jana’izar Hakimin ’Yantumaki
A makon jiya ne wasu ‘yan bindiga suka kai hari a garin ‘yan tumaki inda suka shiga gidan marigayin suka bindige shi.
Yantumaki na karkashin Karamar Hukumar Danmusa ne a jihar Katsina.