An nada sabon Sarkin Musawan Katsina

Mai Martaba Sarkin Katsina, Alhaji Abdulmumini Kabir Usman, ya amince da nadin Sagir Abdullahi Inde a matsayin sabon Sarkin Musawan Katsina. Hakan na kunshe cikin wata sanarwa mai dauke da sa hannun Sallaman Katsina, wanda kuma ya kasance Sakataren Masarautar Katsina, Alhaji Bello Ifo. Matsa wa Shata na yi ya yi mini waka – Indon […]

Mai Martaba Sarkin Katsina, Alhaji Abdulmumini Kabir Usman, ya amince da nadin Sagir Abdullahi Inde a matsayin sabon Sarkin Musawan Katsina.

Hakan na kunshe cikin wata sanarwa mai dauke da sa hannun Sallaman Katsina, wanda kuma ya kasance Sakataren Masarautar Katsina, Alhaji Bello Ifo.

• Matsa wa Shata na yi ya yi mini waka – Indon Musawa
• Gwamna Zulum ya zabi sabon Sarkin Biu

Sanarwar ta ce, “Muna sanar da al’umma daga yau Talata 22 ga watan Satumban 2020, Sagir Abdullahi Inde ya zama Sarkin Musawan Katsina.

“Allah Ya taya shi riko Ya kuma ba shi ikon sauke nauyin da ya rataya a wuyansa”.

Sabon nadin ya biyo bayan mutuwar tsohon Sarkin Musawan Katsina, Alhaji Muhammad Gidado Usman Liman, a ranar Laraba, 2 ga watan Satumban 2020.