An shawarci malaman addini dangane da siyasa

Wani fitaccen malamin addinin Musulunci da ke Jihar Taraba Sheikh Usaini Khalifan Maiguduma ya shawarci ’yan uwansa malaman addini su rage zakewa wajen nuna goyon bayansu ga wani dan takara da ya fito neman mukamin siyasa a kasar nan. Ya ce “Bai kamata malaman addini su rika fitowa karara suna nuna goyon bayan su ga […]

Wani fitaccen malamin addinin Musulunci da ke Jihar Taraba Sheikh Usaini Khalifan Maiguduma ya shawarci ’yan uwansa malaman addini su rage zakewa wajen nuna goyon bayansu ga wani dan takara da ya fito neman mukamin siyasa a kasar nan.

Ya ce “Bai kamata malaman addini su rika fitowa karara suna nuna goyon bayan su ga ’yan siyasa ba. An san malami da dora al’umma a tafarkin shiriya da kuma tsoron Allah amma wadansu malaman suna saba waccan ka’ida.”

Ya ce “Malamai su rika tsayawa a matsayinsu na hada kan jama’a, ba su rika raba kawunan jama’arsu ba ta hanyar cusa musu akidar siyasa da kuma kyamar wadansu ’yan takara.”

Sheikh Usaini ya ba malaman addini na kasar nan shawarar su rika yi wa mabiyansu hudubar zaman lafiya da hada kai, ba su rika cusa masu akidar wariya da ta bangaranci ba.