An tono gawar mamallakin dogon benen da ya rushe a Legas cikin baraguzai

An tono gawar ne da almurun ranar Alhamis daga cikin baraguzai.

Kimanin kwana uku bayan dogon benen nan mai hawa 21 ya rushe tare da danne mutane a unguwar Ikoyin Jihar Legas, a ranar Alhamis an tono gawar mamallakinsa, Femi Osibona, a cikin baraguzai.

Marigayin dai shi ne Shugaban kamfanin Fourscore Homes Limited, wanda yake aikin gina benen.

• Ban ga amfanin rayuwar Shekau ba – Mahaifiyarsa
• An sace mai jego da wasu mata 3 a Suleja

Masu Aikin ceto wadanda suka zanta da Aminiya sun ce an tono gawar tasa ne daga cikin baraguzai da almurun Alhamis.

An dai ta shaci-fadi akan inda marigayin ya shiga, tun bayan rushewar ginin.

Ya zuwa yanzu dai, kimanin mutum tara ne aka ceto a raye, yayin da 30 kuma aka tabbatar da rasuwarsu.

A ranar Talata ne aka tono gawar hadimin Osibona, shi ma daga cikin ginin.