An tsinci gawar budurwa a otel a Fatakwal

“Yan sanda a Jihar Ribas sun gano gawar wata budurwa mai suna Maureen Ewuru a wani otel da ke Layin Obasanjo a Fatakwal babban birnin jihar. Budurwar mai kimanin shekara 23, an rika yada hotunan gawarta a kafafen sada zumunta. Kakakin Rundunar ’Yan sandan Jihar Ribas, DSP Nnamdi Omoni, ya tabbatar wa Aminiya cewa ana […]

“Yan sanda a Jihar Ribas sun gano gawar wata budurwa mai suna Maureen Ewuru a wani otel da ke Layin Obasanjo a Fatakwal babban birnin jihar. Budurwar mai kimanin shekara 23, an rika yada hotunan gawarta a kafafen sada zumunta.

Kakakin Rundunar ’Yan sandan Jihar Ribas, DSP Nnamdi Omoni, ya tabbatar wa Aminiya cewa ana zargin saurayinta ne ya makure ta a wuya har ta mutu. “Mun baza jami’anmu domin kama wanda ake zargi da kashe yarinyar tunda an ga alamun da suka nuna cewa saurayin ne ake zargi da makure yarinyar,” inji shi.

Ya ci gaba da cewa, “Hakika mun samu labarin samun gawar wata yarinya a dakin da suka kama a otel a Layin Obasanjo ana nan ana gudanar da bincike.”

Jami’in ’yan sandan ya kara da cewa, “Bayan ya gama lalata da budurwar ya kashe ta ya gudu ya kulle gawar a dakin da suka kama, sai dai wanda ake zargin ya mance wani abu a dakin wanda hakan zai taimaka wa ’yan snada yin bincike da kuma saukin kama shi,’ inji Omoni.