An tsinci gawar Kanar din soja a Jos
An tsinci gawar Kanar BT Vandi (murabus) ne jim kadan bayan shigarsa daki a masaukin bakin
Babban Hafsan Tsaron Najeriya, Janar Christopher Musa
An tsinci gawar wani Kanar din sojan Najeriya mai ritaya a birnin Jos na Jihar Filato.
An ga gawar Kanar BT Vandi (murabus) ne a masaukin bakin sansanin sojoji na Defence Academy da ke kan titin Vom da ke Jos.
Ana zargin Kanar BT Vandi (murabus) ya rasu ne a yayin da yake tsaka da barci jim kadan da shigarsa daki a masaukin bakin.
Wani ma’aikacin masaukin bakin ne ya gano wagar Kanar Vandi (murabus) da misalin karfe 3.20 na ranar Laraba, sa’o’i kadan bayan dawowarsa.
- Rashin tsaro: Malaman Arewa sun shirya addu’o’i na musamman
- Tsadar rayuwa: Daliban Arewa sun janye daga zanga-zanga
- Tinubu zai ƙara fiye da N6trn a Kasafin Kuɗin 2024
A ranar Talata 16 ga watan uli 2023 Vandi ya fara sauka masaukin bakin, washegari kuma aka gano gawarsa.
An kai gawarsa Asibitin Rundunar Sojin Kasa ta Uku da ke Jos domin gudanar da bincike kan musabbakin rasuwarsa.
Wakilinmu ya nemi jin ta bakin Mukaddashin Mataimakin Daraktan Hulda da Jama’a na Rundunar, Manjo Aliyu Danja, amma jami’in ya ce zai bincika labarin domin ya samu tabbaci a hukumance.