An yi garkuwa da basarake a Kwara
An sace basaraken akan hanyarsa ta zuwa gona.
Wasu ’yan bindiga sun yi garkuwa da Hakimin Mogaji Eburu, Dokta Zubair Folorunsho Erubu a Jihar Kwara.
Sai dai ’yan sanda sun ce ba a samu masaniyar inda ’yan bindigar suka boye shi ba.
- An kaddamar da rigakafin COVID-19 zagaye na 3 a Najeriya
- Buhari ya tura tawaga ta musamman zuwa Sakkwato da Katsina
Rahotanni sun bayyana cewa an yi garkuwa da shi ne a yayin da yake kan hanyarsa ta zuwa gona a tsakanin Ilorin da Afon a ranar Alhamis.
Erubu tsohon ma’aikacin lafiya ne da ya yi aiki a gidan gwamnatin jihar.
Wata sanarwa da kakakin ’yan sandan jihar Okasanmi Ajayi, ya fitar ta ce Kwamishinan ’yan sandan jihar ya ba da umarnin gudanar da bincike kan lamarin.