APC ta lashe duk kujerun kananan hukumomi a zaben Sakkwato

APC ta lashe duk kujerun ciyamoni da kansiloli a zaben kananan hukumomin Jihar Sakkwato.

Jam’iar APC ta lashe duk kujerun zaben shugabannin kananan hukumomi da aka gudanar ranar Asabar a Jihar Sakkwato.

Shugaban Hukumar Zaben Jihar Sakkwato, Aliyu Suleiman, ya sanar a ranar Litinin cewa APC ta yi nasara a daukacin kananan hukumomi 23 da ke fadin jihar, kamar yadda hukumar zaben jihar.

A cewarsa, ’yan takarar APC ne suka lashe zaben kananan hukumomi 23 da kujerun kansiloli da ke fadin jihar, a zaben da jam’iyyu 15 suka fafata.

Bayan sanar da sakamakon zaben hukumar ta mika wa zababben jagororin kananan hukumomin takardar shaidar cin zabe.

• Tinubu ya fara shirin sauke wasu ministocinsa
• Kotu ta kori buƙatar tsige Ganduje daga shugabancin APC
• Sojoji sun kama ’Yan Yahoo 150 a kusa da bariki a Delta

Da La’asar din Litinin din nan ake sa ran rantsar da sabbin shugabannin kananan hukumomin.