Batun neman shugabanci

Assalamu alaikum Aminiya a batun neman Shubancin Najeriya da Goodluck yake yi, bai kamata Obasanjo ya rika sa baki ba, saboda shi ya kawo mana shi, kuma shi ya soma neman tazarce karo na uku. Kuma gwam nonin Arewa, kamar su Murtala Nyako da Sule Lamido, su ’yan amshin shata ne, masu son kansu ne […]

Assalamu alaikum Aminiya a batun neman Shubancin Najeriya da Goodluck yake yi, bai kamata Obasanjo ya rika sa baki ba, saboda shi ya kawo mana shi, kuma shi ya soma neman tazarce karo na uku. Kuma gwam

nonin Arewa, kamar su Murtala Nyako da Sule Lamido, su ’yan amshin shata ne, masu son kansu ne ba arewa ba. Idan dan arewa ne me ya sa ba su goyi bayan Atiku Abubakar a zaben da ya wuce ba? Daga Alhaji Sale Zazzaga Bukuru Najeriy

a 08144406

080.
Ga Amniya
Ina yi wa daukacin ma’aikatan Aminiya fatan alheri. Daga Bash Lungu Sheka 07040939437.

Ga Shugaba Jonathan
Salam, Edita ka ba ni dama in mika wa Shugaba Jonathan Goodluck sako cewa, alamun faduwa sun fara tabbata a kansa domin ya rabu da wadanda suke da jama’a, ya kama wadanda ba su da kowa irinsu Shekarau da Bafarawa. Najeriya sai masu kishi irin su Kwankwaso da Fashola.
Daga Muhammadu Ahmad Abuja, 08033800883
 
Ga Gwamna Wamako
Assalamu alaikum. Aminiya mai farin jini, ina so in yi kira ga Gwamnan Jihar Sakkwato Aliyu Wamako ya taimaka ya biya wadanda suka yi ritaya, saboda wasu sun mutu ba su karbi hakkinsu ba. Daga Malam Kabiru Hamdala Gusau 08066272283.

Nasiha ga Edita
Nasiha zuwa ga Edita. Ya kamata a daina sanya ayoyin kur’ani, ya kamata a rika fadar lambarta kawai, saboda tana shiga inda babu tsarki. Allah Ya sa mu dace. Daga Yahaya dahiru Bumbum KT. 07083929187
 
Samari mayaudara
Salamu alaikum. Aminiya ku ba ni dama in mayar da martani ga ’yan matan da ke cewa samari mayaudara ne. To idan ka tsaya tsaf ka duba, za ka ga yaudarar ta kan taso ne daga su ’yan matan, don sai ka saki jiki kana budurwa ko bazawara, amma ita a zuciyarta ba haka ba ne. Daga AbdulMalik Shu’aibu Kanoma 07062319080
 
Edita ina hotunanku?
Edita ka samar mana shafi mai dauke da hotunan ma’aikatan Aminiya, don mu samu damar tantance ma’aikatan Aminiya na gaskiya. Edita Hausawa dai suna cewa gani ya kori ji. Daga Ali Fancy Garko A. Kano 08171748500.

Ga Gwamna Amaechi
Don Allah Edita ka isar mini da sakona ga shugaban gwamnonin Najeriya, Amaechi. Ina mai tunatar da shi cewa ‘Mai gaskiya na tare da Allah.” Daga Isah Waliuyi Zaggi Nahuce, Zamfara 07039788658.
 
Tambayar likita
Ina yi wa Dakta barka da aiki Don Allah ina da tambaya kan alkama, wai wane irin sinadari take dauke da shi? Daga 08064995899.
 
Ga Gwamna Shema
Aminiya kira da rokon arziki ga Gwamnan Talakawa, Barista Ibrahim Shehu Shema. Gwamna a kawo wa talakawan Faskari agaji, bisa abin da ya same su na fashi da makami. Allah Ya kara maka adalci. Daga Dokta Balarabe Muhammad Faskari 0806593939496.
 
FDk ya yi layar zana
Ni dai na so in yi ta maza kawai, in sha kunu, amma na gaza daurewa, don gaskiya ban gane yajin aikin FDk ba. Shafi ne mai matukar nisahandantarwa. Don Alah a dawo mana da shi. Daga Zainab Isah Muhamad 0806493211.

Masoyin Shekarau
Salam Editan Aminiya. Duk sa’adda na turo sako na bayyana ra’ayina a kan PDP da Malam Ibrahim Shekarau a kan kirani ko a yi mini tes a zage ni. To kwarin gwiwa da son PDP da Malam Ibrahim Shekarau.. Daga Isyaku Captain Kofa, Masoyin Sardaunan Kano, Malam Ibrahim Shekarau. 08085736071.
 
Allah Sarki talaka
Allah Sarki talaka bawan Allah. Matasa masu Keke-NAPEP ku yi ta addu’a. Allah Ya kawo sauki. Bayan kisan ’yan uwa a Apo ba diyya, yanzu kuma zaluncin karuwa yake yi. Don haka ku yi ta rokon Allah Ya taimake ku, ba gwamnati ba. Daga Auwal Apple FRG 07086672061
 
Ga Aminiya
Zuwa ga Aminiya, don Allah a gaya wa masu taron kasa da su duba Allah da kuma al’ummar kasar nan, musamman ’yan Arewa. Daga Aliyu Ibrahim Dawanau 08148362580.

Me ya sa sai a Arewa?
Gaisuwa ga ma’aikatan Aminiya, me ya sa a Kudu ba a tashe-tashen hankula da yi wa al’umma kisan gilla sai a arewa? Ko ta haka za a rage yawanmu? Daga Musa na Musa  08156572079.

 Mu ci gaba da addu’a
Assalamu alaikum. Don Allah Editan Aminiya ina son ka isar da sakona zuwa ga al’ummar Musulmin Arewacin Najeriya, kan lallai mu ci gaba da addu’a. Kuma don Allah mu hada kai mu yi ta gadin garuruwanmu. Allah Ya ba mu zaman lafiya. Daga abu Rukayyah Muhammad Sani Zubairu, Wukari, Jihar Taraba 08076974756.
 Kwankwaso ga Fagge
Aminiya ki ba ni dama in roki mai girma Gwamna Kwankwaso kan ya duba diyyar da za a ba al’ummar Fagge, wadanda za a rushe gidajensu don fadada titin Triumph. Hakika mutane sun saba ka’idar filin da aka shata musu, amma Gwamnati ta sani cewa wasu taka sawun barawo suka yi, don ta yiwu sun saya ne a hannun wasu. A dubi talakawan da idon rahaman kada a yi wuju-wuju da su. Daga Tukur
 
 Ta’aziyya ga BRC Bauchi
Salam ina mika sakon ta’aziyyata ga ma’aikatan Rediyon BRC Bauchi dangane da rasuwar abokin aikinsu, Anas B. Wunti. Da fatan Allah Ya jikansa da rahama; mu kuma da muka rage, idan tamu ta zo Allah Ya sa mu cika da imani. Daga Bala Laba Itas/Gadau, Jihar Bauchi 07032913391
 
Ga Sambon Dasuki
Aminiya ku gaya wa Muhammad Sambo Dasuki cewa maganar tsaro a Najeriya, mu talakawa ba mu gani a kasa ba. Don haka ba dogon zance muke so ba. Daga Abubakar Salisu Mai’adua Jihar Katsina. 08126746353.

Ta’aziyya ga ’yan Najeriya
Edita ga ta’aziyyata nan na turo game da wadanda suka rasa rayukansu wurin daukar ma’aikata. Daga Abubakar Harbo 08065444726.
 
Murna ga Sarkin Zazzau
Aminiya ina mai mika sakon taya murnata ga Mai martaba Sarkin Zazzau kan cikarsa shekaru 40 bisa karagar mulki. Allah Ya kara wa Balaraben Sarki, Dokta Shehu Idris, juriya da hakuri da koshin lafiya. Amin. Daga Nuri Officer Bakin Gidan Mai Total P.Z. Zaria 08050724719.
 
Ga Babban Bankin Najeriya
Edita ina son yin roko ga Babban Bankin Naheriya, kan ya sake buga mana kananan kudi, wadanda suka hada  Naira biyar-biyar da goma-goma da ashirin-ashirin don jin dadin tafiyar da harkokin rayuwarmu talakawa. Daga Amiru Isah Bakori 08075959086.

 Ga Kwamitin taron kasa
Salam. Don Allah Edita ka isar min da sakona ga Shugaban Kwamitin Taron kasa, cewa: Idan har yana son mu amince da gaskiyarsa a kan wasikar da ya yi ta neman gafarar Gwamnan Jihar Edo, Kwamared Adams Oshiuomole, to ya yi hukunci a kan wakilin Kwamitin Kanar Tony Nyam mai ritaya, wanda ya jagoranci wasu mahalarta suka hana Gwamna Oshiomole jawabi a gaban Kwamitin. Daga Aliyu B. Aliyu, Bakura 08051755591.
 
Ga masoyan Janar Buhari
Don Allah Edita ka mika min sakon godiya ga masoyan Janar Muhammad Buhari, wadanda suka aiko mini da sakon fatan alheri. Daga Ruky Bala Fagge 08079978874.
 
Ga bankunan Najeriya
Kamata ya yi bankuna masu aiki da ATM su rika sa kananan kudi, ba dole sai ’yan dubu-dubu, ko dari biyar-biyar ba. kiri-kiriri za ka ga ATM ya rike kudi sama da dari tara da casa’in da tara. Dole sai an kai dubu nan su fito. Daga dayyabu Abubakar Funtuwa 08130222170