Bayern Munich ta lashe gasar Bundesliga

Bayern Munich ta lashe gasar karo na 11 a jere.

Kungiyar kwallon kafa ta Bayern Munich ta lashe Gasar Bundesliga bayan da ta doke FC Kologn da ci 2 da 1.

Tun da fari Munich na mataki na biyu a gasar inda Dortumnd ta ba ta tazarar maki daya.

• Abba Gida-Gida ya bayyana kadarorinsa gabanin rantsar da shi
• Ganduje ya rantsar sabon Kwamishina ’yan sa’o’i kafin ya bar mulki

Dortumnd ta barar da damarta na lashe gasar, bayan da ta yi kunnen doki da kungiyar Mainz a gida.

Dan wasan gaban Dortumnd, Haller ya barar da bugun fenariti, lamarin da ya sanya kungiyar ta rasa lashe gasar.

Tuni dai aka nada Bayern Munich a matsayin Zakarar Bundesliga na 2023.