Bollywood: Kareena Kapoor ta kusa haihuwa a karo na 2

Ana sa ran tauraruwar za ta yi jego na biyu na da dan lokaci.

Tauraruwar fina-finan Bollywood, Kareena Kapoor ta wallafa wasu hotunanta dauke da tsohon ciki a wajen motsa jiki.

Kareena Kapoor ta wallafa hotunan ne a shafinta na Instagram, inda ake sa ran nan da wani lokaci ita da mai gidanta Saif Ali Khan za su samu karuwa a karo na biyu.

• Jarumin Bollywood Sanjay Dutt ya kamu da cutar sankara
• Yadda jarumar Bollywood Kangana ta sa zare da ’yan sanda

A hotunan da ta wallafa a shafinta na ta an ganta cikin shiga kala biyu, kowanne a lokacin da take motsa jiki.

Yanzu haka dai dan Kareena na farko mai suna Taimur, ya kai shekara hudu da haihuwa, kuma nan da wani lokaci ana sa ran tauraruwar ta Bollywood za ta haifa masa kani.

Kareena ta rubuta littafi, wanda ake sa ran za ta sake shi a kasuwa mai suna ‘Kareena Kapoor Khan’s Pregnancy Bible.’

Ana sa ran littafin zai taimaka wa mata masu juna biyu game da yadda za su kula da kansu yayin da suke da ciki.

Ana sa ran littafin zai taimaka wa mata masu juna biyu game da yadda za su kula da kansu yayin da suke da ciki.