BUGOM: Tsohon dan Majalisar Wakilai Daga Yobe Ya Rasu
Marigayi Goni shi ne tsohon mai wakiltar Bursari/Geidam/Yunusari a Majalisar Wakilai
Goni Lawan Bukar, rasuwa
Allah Ya yi wa tsohon dan Majalisar Wakilai kuma Kwamishinan Harkokin Matasa da Wasanni na Jihar Yobe, Goni Lawan Bukar, rasuwa.
Goni wanda shi ne tsohon mai wakiltar Bursari/Geidam/Yunusari a Majalisar Wakilai, ya rasu ne a sanadiyyar hatsarin mota a kan hanyar Damaturu zuwa Kano.
- Haramta yin acaba zai kawo karuwar ta’addanci —Masu babura
- DAGA LARABA: ‘Ina Sayar Da Kwalaba 1,000 Na ‘Kurkura’ a Mako A Zariya’
Wata majiya ta kusa da iyalinsa ta tabbatar da rasuwarsa a ranar Talata, da cewa “A huta lafiya, Goni Lawan Bukar, BUGOM”.
Marigayi Goni Bukar, wanda aka fi sani da BUGOM, ya yi aiki a matsayin kwamishina a Gwamnatin Mai Mala Buni bayan ya kasa komawa ga Majalisar Wakilai a 2019 sakamakon maye gurbinsa da aka yi da wani dan takarar.
A baya ya kasance Kwamishina a Ma’aikatar Filaye, Safiyo da Ma’adanai kafin daga bisani ya zama dan Majalisar Wakilai inda ya rike mukamai da dama a kwamitocin daban-daban na Majalisar.