Buhari zai kaddamar da gidaje 500 a Borno
A karo na uku Shugaba Buhari zai kai ziyarar aiki Maiduguri, babban birnin Jihar Borno.
Buhari yayin saukarsa a Abuja bayan dawowa daga Spain a ranar Juma’a, 3 ga watan Yunin 2022.
Shugaban Kasa Muhammad Buhari zai kai ziyara Maiduguri, babban birnin Jihar Borno domin kaddamar da wasu ayyuka da aka kammala a ranar Alhamis.
Karo na uku ke nan da shugaban kasar zai kai ziyara Jihar Borno, bayan zuwan da ya yi a watan Yuni da kuma watan Disamban 2021.
Ana sa ran a yayin ziyarar, Buhari zai kaddamar da gidajen malamai a unguwar Bulunkutu da kuma gidaje 500 da gwamnan jihar, Babagana Zulum ya gina wa ’yan gudun hijira a yankin Molai.
Zai kai ziyarar ban girma ga Fadar Shehun Borno, Umar Ibni Elkanemi.