Buhari zai yi jawabin bankwana ranar Lahadi
Buhari ya nemi yafiyar wadanda ya bata wa rai.
Shugaba Muhammadu Buhari
Shugaban kasa Muhammadu Buhari zai gabatar da jawabin bankwana a ranar Lahadi, 28 ga watan Mayu da misalin karfe 7 na safe.
Mai bai wa shugaban kasa shawara na musamman kan harkokin yada labarai, Femi Adesina ne, ya bayyana hakan cikin wata sanarwa a ranar Asabar.
- Abba Gida-Gida ya bayyana kadarorinsa gabanin rantsar da shi
- An tsaurara tsaro a Binuwai gabanin rantsar da sabon gwamna
Ya kuma bukaci gidajen talabijin da rediyo da sauran kafofin yada labarai na zamani da su hada kai wajen yada shirin.
Buhari zai mika jagorancin mulkin Najeriya ga zababben shugaban kasa, Bola Ahmed Tinubu a ranar Litinin a matsayin shugaban tarayyar Najeriya na 16.
Tuni dai Buhari ya nemi gafarar wadanda ya bata wa rai.