Coronavirus: An sallami ragowar masu cutar a Kebbi
An sallami mutum biyu da suka rage masu dauke da cutar coronavirus a jihar Kebbi bayan sun warke daga annobar. Ragowar mutum biyun an sallame su ne a yau Alhamis bayan sakamakon gwajin da aka yi musu ya nuna sun warke. Kwamishinan Lafiyan jihar Kebbi, Jafar Muhammad ya sanar da haka a sashen killace masu […]
Kwamishinan Lafiya na jihar Kebbi Alhaji Jaafar Mohammed (Hoto: NAN)
An sallami mutum biyu da suka rage masu dauke da cutar coronavirus a jihar Kebbi bayan sun warke daga annobar.
Ragowar mutum biyun an sallame su ne a yau Alhamis bayan sakamakon gwajin da aka yi musu ya nuna sun warke.
Kwamishinan Lafiyan jihar Kebbi, Jafar Muhammad ya sanar da haka a sashen killace masu coronavirus a Cibiyar Lafiya ta Jihar da ke Kalgo.
- A karon farko, an samu bullar coronavirus a Jihar Kogi
- ‘Babu’ sauran mai cutar coronavirus a Taraba
- ‘Yan bindiga sun ceto mutum 12 a Zamfara
“Za su koma su ci gaba da mu’amala a cikin al’umma domin gwaje-gwajen da aka kara yi sun tabbatar da warkewarsu,” inji shi.
Kwamishinan ya kara da cewa yanzu ke nan babu sauran mai dauke da cutar ta COVID-19 a fadin jihar.
Hakan na zuwa ne bayan gwamnatin jihar Taraba ta sallami mutun na karshe mai cutar bayan ya warke.