Coronavirus ta kashe Shugaban Hukumar Kwallon Kafar Akwa Ibom

Hukumar Kwallon Kafa ta Najeriya (NFF) ce ta sanar da rasuwarsa a ranar Talata.

Emmanuel Ibah mai shekaru 61, wanda mamba ne a Hukumar Kwallon Kafa ta Najeriya (NFF) mai wakiltar Kudu maso Kudu ya rasu a sakamakon kamuwa da cutar coronavirus.

An sanar da rasuwar tasa ce a ranar Talata, kamar yadda Hukumar Kwallon Kafa ta Najeriya ta sanar.

• Coronavirus ta kama karin mutum 675, ta kashe 6 a Najeriya
• Janar din sojojin Najeriya 18 sun kamu da COVID-19
• An killace Buratai bayan COVID-19 ta kashe Janar din soja

“Iyalai sun sanar da NFF rasuwar Ibah bayan kamuwarsa da cutar COVID-19.

“Kafin rasuwarsa ya kasance yana fama da ciwon suga da hawan jini,” kamar yadda sanarwar ta bayyana.

Mamacin ya samu mukami a ne NFF a ranar 18 ga watan Satumbar 2018.

Bayan sake bullar cutar COVID-19 a karo na biyu, mutane da dama sun kamu da ita baya ga wadanda suka rasa rayukansu a sanadiyyarta.