Dan uwan Shugaban Amurka Donald Trump ya rasu
Gwamnatin Amurka ta sanar da rasuwar kanin Shugaba Donald Trump mai suna Robert bayan fama da rashin lafiya a wani asibiti da ke birnin New York. An kwantar da Robert Trump mai shekaru 71 a asibiti ne bayan ya samu matsala a kwakwalwarsa bayan wata faduwa da ya yi a baya-bayan nan. “Cikin alhini ina […]
Shugaba Donald Trump na kasar Amurka
Gwamnatin Amurka ta sanar da rasuwar kanin Shugaba Donald Trump mai suna Robert bayan fama da rashin lafiya a wani asibiti da ke birnin New York.
An kwantar da Robert Trump mai shekaru 71 a asibiti ne bayan ya samu matsala a kwakwalwarsa bayan wata faduwa da ya yi a baya-bayan nan.
“Cikin alhini ina sanar da rasuwar dan uwana shakiki”, inji Shugaba Trump a sanarwar da Fadar White House ta fitar.
Shugaba Trump ya ce Robert “ba dan uwana ba ne kawai, amini ne. Za a yi matukar kewar sa kuma ba zan taba manawa da kai ba Robert”.
A ranar Juma’a Shugaba Trump mai shekaru 74 ya je dubiyar marigayi Robert a asibitin da aka kwantar da shi.
A ‘yan kwanakin nan kafin ya fara rashin lafiya, Robert Trump ya shigar da karar neman kotu ta hana wata ‘yar uwarsa Mary ta buga wani littafi da ta rubuta a kan Shugaba Trump.
Sai dai bai yi nasara a karar da ya shigar ba.