Darakta a Kamfanin Media Trust ya rasu
Darakta a kamfanin Media Trust da ke buga jaridun Daily Trust da Aminiya, Malam Bello Iliyasu Damagum ya rasu. Marigayi Damagum ya rasu a safiyar yau Laraba a asibitin Nizamiye da ke Abuja bayan gajeruwar rashin lafiya. Ya rasu ya na dan kimanin shekaru 59 a duniya. Iyalansa sun bayyana cewa za a […]
Darakta a kamfanin Media Trust da ke buga jaridun Daily Trust da Aminiya, Malam Bello Iliyasu Damagum ya rasu.
Marigayi Damagum ya rasu a safiyar yau Laraba a asibitin Nizamiye da ke Abuja bayan gajeruwar rashin lafiya.
Ya rasu ya na dan kimanin shekaru 59 a duniya. Iyalansa sun bayyana cewa za a yi jana’izarsa a yau a garin Kaduna da misalin karfe biyu na rana a masallacin Al-Garkawi da ke Kinkinau.
Marigayin wanda ya kammala karatunsa a shekarar 1970 ya yi aiki a kamfanin jiragen ruwan Najeriya kafin ya fada harkar ginegine a Abuja da Kaduna da kuma Kano.
Kwanannan aka bayyana sunansa a matsayin shugaban daya daga cikin hukumomin gwamnati.
Damagum ya rasu ya bar mahaifiyarsa da matan aure da ’yan’uwa da ’ya’ya da kuma jikoki.