EFCC ta tsare masu sayar da sabbin takardun kudi a Kano

EFCC ta kama ’yan kasuwa da jami’an banki kan sayar da sabbin takardun Naira a Jihar Kano

Hukumar EFCC mai yaki da masu karya tattalin arzikin kasa ta tsare wasu ma’aikatan banki su shida kan zargin sayar da sabbin takardun kudi na Naira a Jihar Kano.

Jami’an hukumar EFCC sun kuma kama wasu ’yan kasuwa biya da ke harkar sayar da sabbin sabbin takardun kudin a jihar Kano.

Kakakin EFCC Dele Oyewale, ya ce an kama mutanen su 11 ne a ranar Litinin, bayan samun bayanan sirri kan harkallar da suke gudanarwa.

Jami’in ya bayyana cewa a yayin da ’yan kasuwar ke sayar wa jama’a sabbin takardun kudi, ma’aikatan banki kuma an kama su ne kan sayar da takardun kudin ga ’yan kasuwar da aka kama.

• Ya Biya N6.3m Kudin Kama Hayar Kabari
• Yadda Dalar Amurka ke jefa ‘yanayin cikin kunci

Hukumar ta ce za a gurfanar da dukkan mutanen 11 a gaban kotu nan ba da jimawa ba, idan aka kammala bincike.