#EndSARS: Masu zanga zanga sun rufe manyan hanyoyin birnin Abeokuta

An gangi jami’an tsaro jefi-jefi da ke jiran tabbatar da kwantar da koda ta kwana.

Daruruwan matasa da ‘yan makaranta gami da masu hidimar kasa ta NYSC ne suka fito zanga zangar kin jinin ‘yan sandan SARS tun da safiyar Juma’a a Abeokuta.

Masu zanga zangan sun rufe hanyar zuwa ofishin gwamnatin jihar Ogun dake Oke Moson daga sashen babban gidan mai na NNPC da ke birnin Abeokuta, hanyar da ta hade birnin Abeokuta da garin shagamu da jihar Legas, lamarin da ya sanya tarin direbobi da fasinjoji yin curko-curko a kan hanya.

• Masu zanga-zanga sun tare hanyar Legas zuwa Ibadan
• #EndSARS: Falz ya kaurace wa taron gwamnati

Zangan-zangar na ci gaba da gudana cikin salama inda aka hangi jami’an tsaro jefi jefi da ke jiran tabbatar da kwantar da koda ta kwana.

Wakilin Aminiya, Abbas Dalibi, ya kawo muku hotunan yadda zanga zangar ta rika gudana a Abeokuta.

Dandanzon matasa da suka rufe shataletatalen NNPC a kwaryar Birnin Abeokuta, hanyar da ta hade birnin da garin Shagamu, da Legas

Masu zanga zangar inda wasun su suka hau saman kantar da ‘yan sanda masu bada hannu ke amfani da ita

Wani sashe na masu zanga zanga

wani sashen masu zanga zangar a karkashin gada

Dandanzon ababan hawa da aka rufe wa hanya

Wani sashe na dandazon ababan hawa da aka hana masu wucewa

Matafiya da direbobin manyan motoci sun yi curkocurko

Wani sashe na direbobin manyan motoci da aka hana su shigewa

Wani sashe na direbobin a zazzaune akan hanya wadanda suka shaida wa Aminiya cewa sun shafe sama da awa shida suna zaune sakamakon rufe hanyarsu ta zuwa Legas da masu zanga zangar su kayi