FCE Gombe za ta koma karatu ranar 9 ga Nuwamba

Kwalejin ta ce ta tanadi duk abin da ake bukata na kariya daga cutar COVID-19

Hukumar Kwalejin Ilimi ta Gwamnatin Tarayya (FCE) da ke Gombe, ta ce za ta ci gaba da darussa daga ranar Litinin, 10 ga Nuwamban da muke ciki.

Magatakardar kwalejin, Umar Muhammad Bello, ya umarci dalibai masu neman takardar shaidar malanta (NCE) da sauran dalibai da malaman kwalejin da su koma don ci gaba da karatu.

• KAROTA za ta dauki karin ma’aikata
• ASUU ta gindaya wa Gwamnati sharadin janye yajin aiki

Hukumar makarantar ta ce, ta yanke shawarar ci gaba da karatu ne bayan umarnin Gwamnatin Tarayya na bude kwalejojin ilimi.

Sanarwar ta ce, babu dalibin da za a bari ya shiga cikin makarantar ba tare da ya cika dokokin kare yaduwar cutar COVID-19 da hukumar kare yaduwar cututtuka ta kasa (NCDC) ta sanar ba.

Ta ce kafin komawa makarantar, hukumar kwalejin ta dauki dukkannin matakan kare dalibai da malamai daga cutuka masu yaduwa.