Ga masu zagayen Mauludi

Salam. Don Allah Edita ka mika min sakona ga dukkan masoya Manzon Allah (SAW). Ga watan da aka haifi fiyayyen halitta ya karato. Don Allah makarantun Islamiyya da ke yin zagaye, kowace makaranta su zauna a garinsu, a unguwarsu. Kowa ya hakura saboda rashin tsaro.  Tunda kun ga yadda ake yi wa al’ummar Musulmi ta’addanci. […]

Salam. Don Allah Edita ka mika min sakona ga dukkan masoya Manzon Allah (SAW). Ga watan da aka haifi fiyayyen halitta ya karato. Don Allah makarantun Islamiyya da ke yin zagaye, kowace makaranta su zauna a garinsu, a unguwarsu. Kowa ya hakura saboda rashin tsaro.  Tunda kun ga yadda ake yi wa al’ummar Musulmi ta’addanci. A irin wannan yanayi ba sai na doka misali ba. Kowa ya kamata ya fahimci halin da ake ciki. Allah Ya kare mana addininmu. Amin summa amin.Daga abban  Kabir da Zahra, Kwanar Lami KD. 08091598070

Sakonnin waya

kalubalenku ’yan Najeriya
Edita don Allah ka isar da sakona ga yan uwana nai Najeriya, musamman a yankin mu na Arewa, cewa ya kamata mu tashi tsaye, mu kawar da kwadayin da ke zukatan mu, mu zabi shugaba, wanda zai kawo mana sauyi mai mana a kasar mu . Kuma ina mika fatan alheri ga dan takarar shugabancin kasata a jam’iyar APC, wadanda ba su samu nasara ba a zaben fitar da gwani da aka yi a birnin Legas, ina mika godiya gare su, kan yadda suka nuna wa jama’a da gaske suke yi wajen ceto kasar mu daga halin da ta shiga. Ina rokon Allah ya kaimu ranar zabe. Don haka kalubalen ku ’yan uwana mata ku yi taka tsantsan wajen kauce wa shiga bangar siyasa, tunda bana babu banga, mu zama tsintsiya madaurin ki daya. Daga Maiyama, Jihar Kebbi 08062206733/08084151555

Ta’aziyyar ’yan kasuwar Bauchi
Ina mika ta’aziyyata ga mutanen babbar kasuwar  Bauchi, game da rsuwar wadanda harin bom ya rutsa da su 08068919452

Jaridar talakawa Aminiya
Yabon gwani ya zama dole. Garkuwar talakawan Najeriya, jaridar Aminiya. Allah Ya kara daukaka. Hassan Zubairu Makarfi, Custom House Calabar. 08050578936.

Ga jami’an tsaro
Edita ka ba ni dama in yi tsokaci kan toll gate a Kaduna, ko hukumar tsaro ta san suna karbar kudi ga fasinjoji da ke fitowa daga Sakkwato da Kebbi da Zamfara. Kuma ga dan Karen doka, mu dai ba mu hana bincike ba, amma don Allah wadannan jami’an tsaro su ji tsoron Allah, su daina yi wa mutanen wulakanci, saboda haduwarsu da Allah. Daga dangaladiman Naira Kangiwa 07038339623.

Addu’a ga Gombe da Bauchi
Edita ba ni dama in yi ta’aziyya ga wadanda bom ya rutsa da su a Gombe da Bauchi. Ina addu’a  Allah Ya jikan wadanda suka rasa rayukansu, wadanda kuma suke asibiti Allah Ya ba su lafiya. Amin. Daga Nafisa M. Balarabe Polo Club Sakkwato 08166292414.

Ga talakawan Najeriya
Talakawa mu daina saida ’yancinmu, mu zabi Janar Buhari. Daga Sani Abdu Beta. 07068223015.

Ga ’yan majalisa
Haba ’yan majalisar Najeriya, mun gaji da tatsuniyar da kuke yi mana ta tsige Shugaba Jonathan. Har yanzu shiru muke ji. To idan da gaske kuke yi, Allah Ya taimake ku, idan kuma yaudararmu kuke yi, to Allah Ya yi mana maganinku. Amin. Daga Abubakar Umar Kofa 08065746051

Ga Adamu M u’azu
Mu Sakkwatawa muna kira ga Shugaban Jam’iyyar PDP na kkasa, wato Adamu Mu’azu, da ya yi gaggawar canza dan takara a Jihar Sakkwato, idan yana son PDP ta kawo Jihar. Sabod amu ba mu san amfanin Sanata Wali ba. Daga Nasir shagari (KBT) 07066667797.

Ga Ali Modu Sherrif
Edita ka isar da sakona ga Ali Modu Sherrif. Don Allah ka fito ka kare kanka. Domin mutuwa da rayuwa duk na Allah ne. Kamar yadda aka kai wa tsohon Sarkin Kano, Alhaji Ado Bayero, bai mutu ba, har sai da ta Allah ta kasance. Kaima in Allah Ya so sai ta Allah ta zo. Daga Yakubu Abdullahi Fulatan, karamar Hukumar Rogo, Kano 08065192933.

Ga Hisba Dala Kano
Amincin a gareku. Da fatan za ku m,ika kirana ga Hukumar Hisba ta Kano, kan cewa idan har za su aurar da Malama Binta, wadda Allah Ya yi wa baiwa da haihuwar ’yan uku, amma mijinta ya sallameta, to ina fatan za a tuntube ni, don ni ma in kasance cikin wadanda za su nemi aurenta. Daga Injiya Jibrin Alhassan Anchau, Zariya 07057689388.09032992337.

Ga dan majalisa Machika
Assalamu alaikum. Aminiya ina so ki isa min da sakona ga dan majalisar tarayya a mazabar kankara da Faskari da Sabuwa, Barista Abbas Machika. Ubangiji Allah Ya taya shi riko. Amin.. Daga Abbass 2effect KKR 08067795128.

Mu guji sayar da kuri’a
Don Allah Edita a ba ni dama in yi magana guda daya tak, duk da mutane mun kasance masu son kudi, musamman ma mata na ga da lokacin zabe ya zo sai ka ga abin ya koma kamar siyasa (sai da juriya). Wannan ai babban abin kunya ne wallahi . In fada muku wani abu? To wallahi sayar da ra’ayinka da damarka saboda kudi bai dace  ba. Ku duba shekara hudu Naira 100 tab! Wannan ma hauka ne. Allah ya zaba mana shuwabanni nagari Daga Isma’ila Lawal Bakori 08032619334.

Ga Katsinawa
Haba Katsina ku daure ku zabi Tata kada ku yi dana sani, amma mulkin Najeriya ba gado ba ne. Don haka sai a gaya wa Goodluck, Najeriya sai Buhari. Daga Ihsan Alhaji Mudansir Madawaki Bakori 07063102009.