Ga uwargidan shugaban kasa

Ko kadan maganganun da matar shugaban kasa ke yi a wuraren yakin neman zabe ba su dace ba. Tabbas akwai matsalar rashin iya furta magana da uwar gidan ke fama da shi, Watakila tana mantawa da cewa ita tamkar uwa ce ga ’yan Najeriya a matsayin ta na matar shugaban kasa. Abin takaici tana zubar […]

Ko kadan maganganun da matar shugaban kasa ke yi a wuraren yakin neman zabe ba su dace ba. Tabbas akwai matsalar rashin iya furta magana da uwar gidan ke fama da shi, Watakila tana mantawa da cewa ita tamkar uwa ce ga ’yan Najeriya a matsayin ta na matar shugaban kasa. Abin takaici tana zubar da girman ta da kimar mijinta, ta hanyar kalaman batanci da tunzura al’umma su tada husuma da sunan siyasa. Maganar da ta fada ta tunzura magoya bayan jam’iyyar su, da su dauki abokan hamayya masu neman canji tamkar makiya, ta hanyar jifar su da ci musu mutunci a duk lokacin da suka yi arba da su. Sai ga shi ta kuma aikata wata katobarar, ta cewa mijinta sai ya zarce ko ana so, ko ba a so. Da fatan za ki gyara harshen ki, don gudun haifar da rigima da rikici a zabe. Daga Mansoor Said PRP Kano. 07039215954 .

’Yan Najeriya sun ji a jikinsu
Zuwa ga Edita mun shigo makon karshe na zaben kasa da za a yi, don haka ya kamata mu tashi tsaye, domin ganin mun kai ga nasara don karbe goriba daga hannun kuturu. Domin rikonta babu komai ciki, sai azaba da fitina, wanda yau duk wani dan Najeriya yana ji a jikinsa. Saboda haka babu wata hanya da za a bi, a kada PDP, illah hanyar yin zabe. Don haka a kula da katin zabe kar mu bari wasu su zo, su yaudare mu da ’yan kudin ’yan kadan, duk da yake Attahiru Jega ya ce karbar katin mutum da sunan magudi a wannan shekara ba zaiyuyu ba.Daga Usman Adamu Aliero, Kebbi. 07061594299.

Ga ’yan takara
Salam Aminiya. Hakika dadadan kalamai masu faranta rai ga ’yan takara a tsakanin Jam’iyyar APC da na PDP, a wajen kamfen don a zabe su, shi ya fi cancanta ga al’ummar Najeriya, ba mummunan kalamai ba. Allah Ya sa mu yi zabe lafiya, mu gama lafiya. Daga Alhaji Umar Musa Foeber, Gashua. 08108003333.

Ta’aziyyar Sarkin Gusau
Salam Edita dan Allah kabani dama na mika ta’aziyyata dangane da rasuwar Sarkin Katsinan Gusau, hakika mun yi rashi babba, saboda irin dattakun da wannan sarki ke da shi, musamman wajen fadar gaskiya a kowane lokaci. Daga karshe ina mika sakon ta’aziyya ga jama’ar Zamfara da kuma masarauta da iyalan marigayin. Allah ya jikansa, Ya gafarta masa. Daga Aminu Abdu Baka noma, Sani Mainagge, Kano 08099479880.

Ga Buhari
Don Allah ku gaya wa Baba Buhari ya kwantar da hankalinsa fiye da maye mai gadin asibiti. Insha Allahu zai yi mulki. Daga S. I. dankanam. 08110995574.

Godiya ga dangote
Salam. Edita ka isar da godiyarmu ga hamshakin attajirin Afirka, kuma dan kasuwa, Alhaji Aliko dangote, kan ginin rijiyoyin burtsatse dubu da yake yi, da kuma tallafa wa fannoni daban-daban a Jiha. Wadannan ayyuka ana gudanar da su ne a karkashin gidauniya ta dangote Foundation, muna addu’a Allah ya kara lafiya da rai da arziki, amin. Daga Yusuf A. Yusuf Gama Kano 08059866798.

APC mahakurci, mawadaci
Yau saura kwana kadan ku kafa sabuwar gwamnati in Allah Ya so. Daga Abdullahi Wayris Giro 08032624432.

Ga ’yan Najeriya
Salam Edita don Allah ku yi mana kira ga al’ummar kasar nan don Allah su Diana yarda ana bas u kudi suna sayar da katin zabensu. Daga Isma’ila Alkyabba Funtuwa 09051744474.

Godiya ga Nashuni
Edita dan Sardauna, Allah Ya saka da alheri. Don Allah ka ba ni fili in yi godiya ga Shema mai albarka, sannan in yi godiya ga Musa Nashuni ikon Allah da Ibrahim Rabi’u bawan Allah, kan namijin kokarin da suke yi, wajen fdakar da mu matasan Jihar Katsina, masu albarka, kan muhimmancin hadin kai; da zaman lafiya d aillolin bangar siyasa. Mun gode, mun san kuna son mu, mu ma muna kaunarku. Allah Ya kai likafarku gaba. Daga Amiru Isah Bakori 07068147933.

Mu dage da addu’a
Salam Edita da fatan kana lafiya amin. Don Allah ka ba ni dama in isar da sakona ga ’yan Najeriya, musamman ’yan Arewa, yau a kwana, a tashi lokacin zabe sai kara matsowa yake yi. Allah Yasa a yi shi lafiya, kuma Allah Ya ba mu shugabanni masu kaunarmu. Mu ci gaba da addu’a. Daga Hon. Shamsu Muhammad Katsina 07039878892, 07051775020.

Gaisuwa ga APC
Salam Edita don Allah mika min gaisuwa zuwa ga masoyan APC Allah ka b asu nasara amin. Daga Khadijah A Isma’il 09036708001.

A taimaki INEC
Ina kira ga masu kada kuria a ranar zabe, mu natsu mu goya wa Hukumar zabe baya. Duk wanda ya nemi tada hankalin jama’a, kada mu suarare shi. Allah Ya ba mu zaman lafiya a kasar mu da duniya baki daya. Daga Isah Dilwala Abuja 08059044449.

Sako ga ’yan Najeriya
Edita don Allah ka mik amin sakon fatan alheri ga al’ummar kasata da fatan Allah a yi zabe lafiya, Allah Ya b amu shugabanni nagari. Amin. Daga 08069080479.

Addu’a ga kasata
Salam Edita ina yin kira ga ’yan Najeriya da su dage da addu’a. Allah Ya sa a yi zabe lafiya. Daga Jamil S. Fagge PPL Okoko Legas 08032372896.

Sako ga PDP
Najeriya za ta shiga bala’i matukar PDP ba ta sauya taku ba. Daga Shu’aibu Jirago 0806198705.

Fatan zaman lafiya
Aminiya ku ba ni dama in yi kira ga al’ummar kasar nan da cewar mu kwnatar da hankalinmu, mu gudanar da zabe lafiya. Daga Aminu Yusuf. 08031871057.

Ga Hukumar JAMB
Edita don Allah ka ba ni dama in yi kokarfi ga Hukumar jarabawar JAMB, ko dai a rage makin shiga jami’a ko kuma a shawo kan yadda kwamfuta ke daukewa.