Ganduje ya ziyarci Fadar Sarkin Warri

Sarkin ya yi masa kyakkyawar tarba har suka sha hotuna.

Gwamna Abdullahi Umar Ganduje na Jihar Kano, ya kai ziyarar ban girma Fadar Sarkin Warri, Olu Ogiame Atuwatse III.

Ganduje wanda ya ziyarci Jihar Delta a ranar Litinin domin jajanta wa iyalan marigayi Birgidiya-Janar Dominic Oneya (mai ritaya) ya kuma ziyarci Masarautar ta Warri.

• Kotu ta umarci Likitoci da su janye yajin aiki
• An yanke wa jarumar Kannywood hukuncin koma wa Islamiyya

Marigayi Janar Dominic wanda ajali ya katsewa hanzari makonni biyu da suka gabata, da daga cikin manyan jami’an da suka rike madafan iko na jagorancin Jihar Kano a lokacin mulkin soja.

Bayan ta’aziyyar ce gwamnan ya ziyarci masarautar inda Sarkin ya yi masa kyakkyawar tarba har suka sha hotuna.