Gara matar Jami’a da ’yar fim din Hausa

Editan Aminiya ka ba ni dama in yi tsokaci a kan labarin ‘Fim din matar Jami’a.’ Gaskiya ko duk jikina kunne ne, in an ce fina-finan Hausa na fadakarwa ko gyaran tarbiyyar al’umma, wallahi ba zan yarda ba. Kuma wallahi da in auri ’yar dirama gwanda matar jami’a sau miliyan. Shawarata ga ’yan fim, idan […]

Editan Aminiya ka ba ni dama in yi tsokaci a kan labarin ‘Fim din matar Jami’a.’ Gaskiya ko duk jikina kunne ne, in an ce fina-finan Hausa na fadakarwa ko gyaran tarbiyyar al’umma, wallahi ba zan yarda ba. Kuma wallahi da in auri ’yar dirama gwanda matar jami’a sau miliyan. Shawarata ga ’yan fim, idan sun samu jari, su koma kasuwanci sai ka ga katuwar yarinya, wadda kamata ya yi a ce tana dakin mijinta, amma tana bata lokacinta, wai tana fim, da ma jami’ar kuka shiga, ya fi muku. Daga Hakilu Umar (Spider web) 07066777864 +2349030188215.

Sakonnin waya

Hattara da cingam din samari
Salam Aminiya jama’a sako ga sauran ’yan mata, ’yan uwana, su yi hattara da wani cingam da samari ke rabawa; da zarar kin ci, to sai yadda aka yi da ke. Daga Rahama Umar Ramcy Kano. 07033245212.

Saukar Alkur’ani
Aminiya kamata ya yi ki halarci saukar Alkur’aninmu na kur’an watta’alim, inda muke da masu sauka 130, a harabar gidan talabijin na ARTb da ke Hotoro Kano. Daga Fatima Abdullahi Muhammad Hotoro 08112538490.

Ilimin mata na da amfani
Assalamu alaikum. Aminiya ku jawo hankalin iyaye, maza da mata kan illar auren ki (dole) da kuma amfanin ilimin ’ya’ya mata. Daga Zeenat Rabi’u Umar Malumfashi. 08098811248.

kungiyar makaranta  Aminiya
Salam Edita, don Allah ina so a isar mini da sakon shawara ga masu aiko da sako a wnanan jarida mai farin jini. Ya kamata mu kafa wata kungiya da za mu rika ganin junanmu, domin karin dankon zumunci. Kuma wata ’yar uwa Khadija ta ba ni wannan shawara, don kaunar a yada wannan jarida. Daga Alassan Ala Gama Kano 08055023966.

kalubale ga Aminiya
Me yasa jaridunku ba sa shiga kauyuka sai dai birane. Daga Abubakar Melemu Dokan Lere, Saminaka 07033196790.

Ga Sheikh Jingir
Ga shugaban Majalisar Malamai ta kasa Fadilatu Sheikh Muhammad Sani Yahaya Jingir. Da fatan Allah ya sanya wa Malam albarka da tsawon rai. Allah Ya kare Malam. Daga Barista Nana Khadija T. Ibrahim Izala 1, Shagari Corner Jos. 08149695228

2015 sai Kwankwaso
Muna rokon Jam’iyyar APC da su tsayar mana da Gwamnan Kano, Injiniya Rabi’u Musa Kwankwaso a dan takarar shugaban kasa, saboda matashi ne dan gaba-gaba. Kuma ya yi mulki a matakai daban-daban, an gani. Daga Fadila AbdulNoor GRA Gombe 07059871459.

Ina da Aminiya 300
Asssalamu alaikum. Edita me ya sa ba ku buga sakona? Ina da kwafen jaridarku 300, amma duk sa’adda ta fito sai na ga babu sakona. Me ya sa? Daga Aminu Ahmed Kanti Kazaure 08022845175.

Yabo ga Shugaba Jonathan
Aminiya ku mika min yabo da jinjina ga Shugaban kasa, a kan sanya hannu da ya yi ga dokar haramta auren jinsi. Gaskiya ka cancanci yabo da fatan Allah Ya kara shiryar da mu. Amin. Daga Ibrahim KSD 08031944943.

A kai PDP Dawanau
Aminiya kamata a kai Jam’iyyar PDP asibitin Dawanau, saboda matakin da ta ce za ta dauka kan gwamnonin da suka fice daga jam’iyyar. PDP ta manta lokacin da su Isa Yuguda suka bar ANPP zuwa PDP. Daga Adamu Suleiman Kaugama 08057672400.

Ga Shugabannin APC
Shugabannnin Jam’iyyar APC ku je Zamfara da Sakkwato da Kebbi. Daga danmasanin Aminiya, Idiris Yaro Abuja 07061860202.

Ga Gwamna Kwankwaso
Salam. Don Allah Aminiya ku tambayar mana Mai girma Gwamnan Kano, wai me muka yi masa, mu daliban makarantar Haido, ba a dauke mana biyan kudin makaranta ba? Daga daliban Makarantar Haido 0706696381.

APC za ta karbi mulki
Jam’iyyar APC ku shirya karbar mulki da yardar Allah. Daga Sani Abdu Beta 07068223015.

Ga Wammako da Bafarawa
Editan Aminiya, don Allah ka gaya wa Gwamna Wamako da Bafarawa, da su yi wa Allah su hada kansu, su ceto jam’iyyar APC daga wargajewa. Saboda kare jinin bayin Allah a Sakkwato mun dauke su masu kishin Arewa da ma kasar mu Najeriya baki daya. Daga Abdu Muhammad 08087688510.

Ga Kwankwaso
Aminiya don Allah ku tura mini sakon gaisuwa ga jarumi Gwamna Kwankwaso. Daga Isama’ila Faci Janbulo 08059584166.

A yi addu’a
Assalamu alaikum. Aminiya ina so in ja kunnen ’yan Najeriya, mu ci gaba da addu’a Allah Ya ba mu shugabanni nagari, masu tsoron Allah. Daga Shafi’u Ibrahim, Minna Jihar Neja 08035771919.

Gaisuwa ga Malam Shekarau
Aminiya ina so ku mika min gaisuwa ga maigirma Mallam Ibrahim Shekarau da duk ’yan uwa Musulmi. Daga Mariya Musa Fagge +2349092033525.