Gobara ta lakume kantin zamani a Moscow

Hukumar ba da agajin gaggawa a Moscow ta ce tana kyautata zaton rashin kiyaye matakan kariya ya haifar da gobarar.

A safiyar Juma’a aka samu aukuwar mummunar gobara a wani katafaren kantin zamani da ke Moscow, babban birnin kasar Rasha.

An ga jami’an kwana-kwana a yankin na kokarin kashe gobara don hana ta fadada zuwa wasu sassa.

• Rikici ya sa mutum 9,000 hijira a Sudan ta Kudu —MDD
• Dokar Cire Kudi: Emefiele Ya Wuce Gona Da Iri —Dan Majalisa

Sai dai babu wani bayani daga hukumomin kasar kan ko an samu asarar rai da kuma adadin barnar da gobarar ta yi wa kantin.

Kwamitin bincike na kasar ya ce, ya soma bincike domin gano abin da ya haifar da gobarar.

Amma hukumar ba da agajin gaggawa a Moscow, ta ce tana kyautata zaton rashin kiyaye matakan kariya ne ya haifar da gobarar.