Gobara ta tashi a Kasuwar Singa da ke Kano
An tafka asarar dukiyoyi na maƙudan kuɗaɗe a sanadiyyar gobarar ta safiyar Litinin, yayin da ake ci gaba da aiki ceto
Gobara ta tashi a Kasuwar Singa da ke birnin Kano a safiyar Litinin ɗin nan.
Rahotanni sun nuna cewa ’yan kasuwa da mazauna sun shiga tashin hankali matuƙa sakamakon tashin gobarar a shahararriyar kasuwar kayan abincin kwali da da ke titin Bello Road.
An yi asarar dukiyoyi na maƙudan kuɗaɗe a sanadiyyar gobarar ta safiyar Litinin, yayin da ake ci gaba da aiki ceto.
Kawo yanzu dai ba a kai ga gano musabbin gobarar ko girman ɓarnar da ta yi ba.
- Sojoji sun kashe ƙasurgumin ɗan ta’adda Gwaska Ɗanƙarami
- Sheikh Khalifa Usman Kusfa Rigi-rigi ya rasu