Gwamnan Anambra na farko, Chukwuemeka Ezeife ya rasu

Gwamnan Jihar Anambra na farko kuma jigo ne a kungilar kabilar Igbo ta Ohaneze Ndigbo Dokta Chukwuemeka Ezeife ya rasu

Gwamnan Jihar Anambra na farko, Dokta Chukwuemeka Ezeife ya riga mu gidan gaskiya.

Dokta Chukwuemeka Ezeife, wanda jigo ne a kungilar kabilar Igbo ta Ohaneze Ndigbo, ta rasu ne a sakamakon rashin lafiya a daren Alhamis.

Ya rasu ne a Babban Asibitin Tarayya da ke Abuja, kamar yadda Cif Rob Nawkairea Ezeife ya sanar a madadin iyalan mamacin.

“Muna sanar da rasuwar danmu, Chukwuemeka Ezeife, CON, tsohon Babban Sakatare kuma Kwamnan Jihar Anambra na farko”

• ‘Dalilan da ke jawo mutuwar aure’
• NAJERIYA A YAU: Munanan Cututtukan Da Fitsari A Waje Ke Haifarwa

Chukwuemeka Ezeife tsohon mashawarcin shugaban kasa ne, kuma tsohon mai neman takarar shugaban kasa.