Gwamnan Kuros Riba, Ayade ya koma APC

Shugaban Kwamitin Rikon APC na Kasa, Mai Mala Buni ne ya karbi Gwamna Ayade.

Gwamnan Jihar Kuros Riba, Ben Ayade ya sauya sheka daga jam’iyyar PDP zuwa APC.

Daraktan Yada Labaran Gwamnan Jihar Yobe kuma Shugaban Kwamitin Rikon APC, Mamman Mohammed ne ya sanar da sauya shekar Ayade a safiyar Alhamis.

• Likitoci sun ba El-Rufai awa 48 ya nemi afuwar ma’aikatan jinyan da ya kora
• Gwamnoni sun nemi a kara farashin fetur zuwa N380

“Shugaban Kwamitin Rikon Jam’iyyar APC na Kasa kuma Gwamnan Yobe, Hon. Mai Mala Buni, ya karbi Gwamnan Kuros Riba, Dokta Ben Ayade wanda ya dawo jam’iyyar daga PDP,” inji sanarwar da ya fitar.