Gwamnatin Kano ta sanya dokar hana fita

Gwamnatin Kano ta ce sanya dokar hana fitar ta zama dole, saboda dalilan tsaro

Gwamnatin Jihar Kano ta sanya dokar hana zirga zirga a Jihar Kano daga safe zuwa yamma.

Kwamishinan Watsa Labarai, Muhammad Garba ya bayyana a cikin wata sanarwa da ya raba wa manema labarai a Kano, cewa sanya dokar ya zama dole saboda guje wa karya doka da oda duba da irin damuwar da aka shiga a lokacin tattara salamakon zaben gwamnan jihar.

• Abba Kabir Yusuf na NNPP ya zama zababben Gwamnan Kano
• NAJERIYA A YAU: Ko Tasirin Jam’iyyar NNPP Da LP Zai Wanzu A Najeriya?

Hukumar Zabe ta Kasa (INEC) ta sanar cewa dan takarar gwamna a Jam’iyyar NNPP, Abba Kabir Yusuf ne ya lashe zabeng gwamnan jihar.

Mataimakin gwamna mai ci, Nasir Yusuf Gawuna, ya zo na biyu, a zaben, wanda kafin sanar da sakamakonsa aka yi ta jira da kananan maganganu.