Gwamnatin Tarayya ta mayar wa Obasanjo da martani

Gwamnatin Tarayya ta bakin Ministan yada labarai Alhaji Lai Muhammed ta mayar wa Obasanjo da martini a kan wasikar da ya aike wa Shugaban Kasa Buhari inda ya bukaci Buhari ya hakura da tsaya wa takara a zaben 2019. A martanin mau dauke da shafi 7 da minsiyan ya fitar ga manema labarai na fadar […]

Gwamnatin Tarayya ta bakin Ministan yada labarai Alhaji Lai Muhammed ta mayar wa Obasanjo da martini a kan wasikar da ya aike wa Shugaban Kasa Buhari inda ya bukaci Buhari ya hakura da tsaya wa takara a zaben 2019.

A martanin mau dauke da shafi 7 da minsiyan ya fitar ga manema labarai na fadar Shugaban Kasa, ya nuna cewa suna godiya ga tsohon shugaban bias yadda ya samu lokaci har ya rubuto irin wannan dogon wasika, “Babu dalilin da za a ce wannan wasika ba da kyakyawar manufa aka yi ta ba. Mun karbi wasikar da zuciya daya.”

Minstan ya kara da cewa wajibi ne a yaba wa Buhari kan abubuwa biyu cikin ukun da aka yi wa jama’a alkawari a lokacin yakin neman zabe, wato yaki da cin hanci da rashawa da kuma yaki da ta’addanci. Sannan kuma ya nuna cewa yanayin yadda aikace-aikacen suka yi wa Obasanjo yawa ya sa "bai samu damar fahimtar ci gaban da gwamnatin Buhari take samu ba a halin yanzu a fannin bunkasa tattalin arziki."

Ministan ya ce kasar ta fita da matsin tattalin arziki, sannan kuma hauhawan farashin kayayyaki ya ragu da kashi 15 cikin 100 a wata 11 a jere.