Gwamnoni huɗu da suka isa Kotun Ƙoli
Kotun Ƙolin za ta raba gardama kan takaddamar zaben gwamna a jihohi takwas.
Gwamnoni hudu sun hallara a harabar Kotun Ƙolin domin zaman sauraron hukuncin da za a yanke a wannan Juma’ar.
Gwamnonin sun hada da Bala Mohammed na Jihar Bauchi, Abba Yusuf na Jihar Kano, Caleb Mutfwang na Jihar Filato, da kuma Dauda Lawal na Jihar Zamfara.
Haka kuma, tsohon gwamnan Jihar Filato, Sanata Simon Lalong ya isa harabar Kotun Ƙolin.
Ana dai sa ran kotun za ta yanke hukunci kan takaddamar zaben gwamna a jihohi takwas da suka haɗa da Legas, Filato, Bauchi, Kano, Abia, Ebonyi, Zamfara, da kuma Kuros Riba.