HOTUNA: Yadda Atiku ya halarci yaƙin zaɓen PDP a Edo
Za a gudanar da zaɓen gwamnan jihar a ranar 21 ga watan Satumba, 2024.
Tsohon Mataimakin Shugaban Ƙasa, Atiku Abubakar, ya isa birnin Benin na Jihar Edo, domin halartar gangamin yaƙin zaɓen jam’iyyar PDP na ƙarshe, gabanin zaɓen gwamnan jihar da za a yi a ranar 21 ga watan Satumba.
Shugaban riƙon na jam’iyyar PDP na ƙasa, Iliya Damagum; Shugaban Ƙungiyar gwamnonin PDP kuma gwamnan Jihar Bauchi, Bala Mohammed, sun yi wa jihar dirar mikiya.
- Kotu ta hana Aminu Bayero aikin gyara fadar Nassarawa
- Ambaliya: Gwamnatin Gombe ta bai wa Maiduguri tallafin N100m
Gwamna Siminialayi Fubara na Jihar Ribas; Gwamna Douye Diri na Bayelsa; Gwamna Peter Mbah na Enugu da Gwamna Sheriff Oborevwori na Jihar Delta da sauransu, sun isa jihar a ranar Asabar.
Gwamna Godwin Obaseki na Jihar Edo da ɗan takarar gwamna na jam’iyyar PDP a jihar, Asue Ighodalo ne suka tarbe su a filin jirgin saman jihar.
Ga hotunan yadda ziyarar ta kasance
