Al’ajabi Hotuna • Created April 4, 2021 10:29

Yadda aka yi bikin daukar gawar Fir’aunoni a Masar

Dubun-dubatar mutane sun yi dafifi a kasaitaccen bikin da aka kashe wa miliyoyin Daloli

Yadda aka yi bikin daukar gawar Fir’aunoni a Masar

Yadda ayarin motoci ke dauke da tawagar Fir’aunoni daga Dandalin Tahrir zuwa sabon Gidan Tarihin Kasar Masar

Hoto: Aljazeera

An gudanar da wani gagarumin shagalin bikin canza wa Fir’aunoni 22 kaburbura daga Birnin Alkahira Kasar Masar zuwa sabon gidan tarihin kasar.

Dubun-dubatar mutane sun yi dafifi a ranar Asabar da dare domin ba wa idanunsu abinci a kasaitaccen bikin da aka kashe wa miliyoyin Daloli domin daukar Fir’aunonin 22 —maza 18 mata hudu— a wata tafiya mai tsawon kilomita bakawai daga Dandalin Tahrir zuwa sabon gidan adana tarihi a Fustat.

Hukumomin kasar sun rufe manyan hanyoyin yankin Kogin Nilu domin nuna girmamawa Fir’aunonin, wadanda mahayan dawakai 150 da babura 60 suka yi wa rakiya a kasar  mai tunkaho sarakunan da suka rayu shekaru 1600 kafin Annabi Isa (AS).

An dauki gawarwakin a motocin alfarma da aka tanada domin bikin. Kowane Fir’auna da motar da aka ware wa gawarsa dauke da sunansa. Hoto: AFP.
An yi amfani da kekunan dawakin zamanin Fir’aunoni a bikin domin tuno da rayuwar  shekaru aru-aru da suka wuce. Hoto: Aljazeera
Mutane sun yi dafifi domin girmamawa ga Fir’aunonin lokacin da ake wucewa da gawarwakinsu  a birnin Alkahira. Hoto: AFP.
An yi kade-kade da raye-raye na shekaru aru-aru a lokacin bikin da babu masaka tsinke a birnin Alkahira.
Masu nishadantar da jama’a sanye da kayan tarihin kasar Masar lokacin da suka nishadantar da masu kallo yayin bikin. Hoto: AFP
Jerin gwanon motocin da suka dauko gawarwakin Fir’aunonin a kusa da sabon gidan tarihin. Hoto: AFP.
Motocin a shataletalen da aka yi na musamman domin sabon gidan tarihin. Hoto: AFP.
An yi fareti na musamman inda mahaya 210 suka yi wa Fira’uonin rakiya zuwa sabon makwancinsu.
Badujala suna kayatar da masu kallo a lokacin bikin a gaban gidan tarihin da ke Fustat. Hoto: AFP.
Sabon gidan tarihin da aka kaddamar inda a nan aka yi wa Fir’aunonin sabon matsuguni. Hoto: AFP.

Manyan Labarai • September 22, 2024 22:14

Okpebholo ya lashe zaɓen Gwamnan Edo

Hotuna • September 22, 2024 20:21

HOTUNA: Yadda bikin Takutaha ya gudana a Kano

Manyan Labarai • September 22, 2024 19:28

Zaɓen Gwamna: APC ta kama hanyar lashe zaɓen Edo

Manyan Labarai • September 22, 2024 17:41

Zaɓen Edo: INEC ta dakatar da tattara sakamako

Tags