Gani ya kori ji
Ga wasu daga cikin labaran da muka kawo muku a wannan makon cikin hotuna
Iyayen daliban da aka sace a makarantar sakandare ta Bethel Baptist High School a Karamar Hukumar Chikun ta Jihar Kaduna lokacin da suka yi zaman dirshan ranar Litinin 5 ga watan Yuli a kan titi don nuna takaici da abin da ya faru da ‘ya’yansu (Hoto: Mohammed Yaba)
Abubuwa da dama sun faru a wannan makon mai karewa, kama daga sace dalibai akalla 120 a wata makarantar sakandare a Jihar Kaduna, zuwa ga karin girman da aka yi wa Babban Hafsan Sojin Kasa na Najeriya.
Ga wasu daga cikin labaran da muka kawo muku a makon cikin hotuna.
Iyayen daliban da aka sace a makarantar sakandare ta Bethel Baptist High School a Karamar Hukumar Chikun ta Jihar Kaduna lokacin da suka yi zaman dirshan ranar Litinin 5 ga watan Yuli a kan titi don nuna takaici da abin da ya faru da ‘ya’yansu (Hoto: Mohammed Yaba)
Ranar Laraba 7 ga watan Yuli Shugaba Muhammadu Buhari da Mataimakin SHugaban Kasa Yemi Osinbajo suka lika wa sabon Babban Hafsan Sojin Kasa na Najeriya, Laftanar Janar Faruk Yahaya, sabbin aninansa (Hoto: Fadar Shugaban Kasa)
Lauretta Onochie yayin da take amsa tambayoyin a gaban Kwamitin INEC na Majalisar Dattawa a ranar Alhamis
Mai Martaba Sarkin Zazzau, Malam Ahmed Nuhu Bamalli, yana maraba da Sufeto Janar na ‘Yan Sandan Najeriya, Usman Alkali Baba, wanda ya ziyarci Fadarsa ranar Alhamis 8 ga watan Yuli (Hoto: Aiyu Babankarfi)
Shugaban Majlaisar Wakilai ta Najeriya Femi Gbajabiamila (daga hagu) yayin da yake musafaha da takwaran aikinsa na Majalisar Wakilai ta Ghana, Alban Kingsford Sumana Bagbin, wanda ya jagoranci wata tawagar ‘yan majalisar Ghana da suka ziyarci Najeriya. An dauki hoton ne jim kadan bayan Nonorabil Bagbin ya yi jawabi ga zauren Majaisar Wakilai ta Najeriya (Hoto: Ofishin Yada Labarai na Shugaban Majalisar Wakilai)
A Legas, ranar Juma’a 9 ga watan Yuli aka yi jana’izar shahararren faston nan, shugaban majami’ar Synagogue Church of All Nations. Ranar 5 ga watan Yuni malamin na addinin Kirista ya riga mu gidan gaskiya (Hoto: Benedict Uwalaka)